БНХАУ анх удаа хиймэл оюун ухаанаар тоноглогдсон, автомат удирдлагатай танкаа танилцуулсан байна. Энэ талаар өнөөдөр буюу гуравдугаар сарын 22-ны пүрэв гаригт “South China Morning Post” сонинд мэдээлснийг ТАСС агентлаг уламжлав.
Тус улсын телевизээр алсын удирдлагатай, хуягт танкийн туршилтыг шууд дамжуулан үзүүлсэн байна. Энэ нь Зөвлөлтийн Т-50-ын сайжруулсан хувилбар (үйлдвэрийн индекс WZ-120) Тип 59 танк аж.
Өнгөрсөн зууны 50-иад оны сүүлч, 80-аад оны дунд үеэр Хятадад их хэмжээгээр үйлдвэрлэгдэж байжээ. Тэдгээрийн дийлэнх нь техникийн хувьд хуучраагүй байгаа аж. “Tank and Armored Vehicle” сэтгүүлийн ерөнхий редактор Лю Циншань “Хуучны их хэмжээний Тип 59 танкийг хиймэл оюун ухаанаар тоноглож, автомат удирдлагатай болгож болно” гэж хэлжээ.