Өнөөдөр зарим нутгаар их хэмжээний цас орж, цасан шуурга шуурч байна. Цаг агаарын энэхүү таагүй байдлын улмаас орон нутгийн зарим замуудын нөхцөл байдал хүндэрчээ.
Тухайлбал, Хөвсгөл аймагт цас их орж замын нөхцөл хүндэрсэн тул аймгийн Засаг даргийн захирамжаар тээврийн хэрэгслийн хөдөлгөөнийг 14:00 цагаас эхлэн тодорхойгүй хугацаагаар хязгаарласан байна.
Мөн Авто тээврийн үндэсний төвөөс өгсөн мэдээллээр цас ихээр орсны улмаас хойд чиглэлд Орхон аймаг Хөшөөтийн даваа хальтиргаа гулгаа ихтэй, үзэгдэх орчин хязгаарлагдмал байгаа аж. Тиймээс зорчигчдод замын хөдөлгөөнд болгоомжтой оролцохыг анхаарууллаа