Хуурамч мөнгө аягыг бусдад худалдаалсан, мөн худалдахыг оролдсон этгээдүүдийг цагдаагийн байгууллагаас шалгаж эхэлжээ.
Тодруулбал, БГД-20 хороонд “Хархорин захад хуурамч эд зүйл зараад байна” гэсэн мэдээллийг авч шалгахад, ЧД-17 хороонд суух Ц /эм.43н/ нь хуурамч мөнгөн аяга худалдаж байсныг илрүүлэн, эд мөрийн баримтаар металь бүрээстэй аягыг хураан авч шалгаж байна.
Түүнчлэн СХД-12 хороо “Солонгос хоолны газрын хувцас солих өрөөнөөс эд зүйл хулгайд алдагдсан” гэсэн мэдээллийг шалгахад, СХД-4 хороонд суух Б /эм.18н/-гийн гар цүнхнээс 65.000 төгрөг, Булган аймаг Гурван булаг сумын харьяат С /эр.15н/-ийн цүнхнээс 160.000 төгрөгийг СХД-1 хороонд суух Т /эм.37н/ гэгч хулгайлсаныг шуурхай илрүүлжээ.