Олон Улсын хүүхдийн эрхийг хамгаалах өдрийг тохиолдуулан Монгол ардын үлгэрээс сэдэвлэсэн “Царцаа намжил” хүүхдийн жүжиг зургадугаар сарын 1-ны 14:00, 16:00 цагуудад Улсын Драмын Эрдмийн театрын тайзнаа тоглогдох гэж байна.
“Царцаа намжил” хүүхдийн жүжиг Боловсрол, соёл, шинжлэх ухаан, спортын яамны Хүүхдэд зориулсан уран бүтээлийн төслийн уралдаанд шалгарсан бүтээл юм.
Бурхны оронд гурван жил шавилан суусан Намжил хүү эрдэм сураагүй тул номын багшийнхаа захиснаар замдаа тааралдсан бүхнийг тогтоож цээжилж явдаг. Тогтоосон бүхэн нь эргээд түүнд тус болж, амийг нь авардаг тухай монгол ардын “Царцаа Намжил” үлгэрт өгүүлдэг билээ.
