Энэ оны улсын төсвийн 46 тэрбум төгрөгийг өмч хувьчлалаас олох шийдвэр гарсан билээ. Тодруулбал,өмч хувьчлалд хамрагдах 20 обьектын дотор Хүүхдийн урлан бүтээх төв, Нийслэлийн усан спорт сургалтын төв, Нийслэлийн гэр бүл хүүхдийн газар зэрэг багтажбайгаа аж.
Хувьчлах объектуудад ийнхүү хүүхдийн хөгжил, сурч боловсрох үйлсэд томоохон хувь нэмэр оруулж буй байгууллагууд багтсаныг хүүхдийн төлөөх ТББ-ууд эсэргүүцээр байгаа юм.Тодруулбал, Дэлхийн хүүхдийн академи, Хүүхдийн төлөө байгууллагуудын үндэсний холбоо, Хүүхдийн урлан бүтээх төвийн эцэг эхийн зөвлөл эсэргүүцсэн байр сууриа илэрхийллээ.
Энэ үеэр Хүүхдийн төлөө байгууллагуудын үндэсний холбооны төлөөлөл өөрсдийн байр сууриа илэрхийлсэн юм. Тэд “Өмнө нь хүүхдийн тодотголтой олон байгууламж байсан.Өнгөрсөн 25 жилд өмч хувьчлал нэрийдлээр хүүхдийн байгууллагуудыг үгүй хийсэн.Одоо ОУ-ын хүүхдийн Найрамдал зуслан, Хүүхдийн урлан бүтээх төв, Хүүхдийн ордон гэсэн гурван байгууллага үлдлээ. Төсвийн мөнгийг босгох нэрийдлээр хүүхдийн байгууллагуудыг татан буулгахыг эсэргүүцэж байна” хэмээн хэлсэн юм.