Монголбанк, Үл хөдлөх хөрөнгийн “Тэнхлэг зууч” компани хамтран энэ оны тавдугаар сарын “Орон сууцны үнийн индекс”-ийн (ОСҮИ) судалгааг хийснээ өчигдөр танилцууллаа. Судалгаанд Улаанбаатар хотод борлуулагдахаар зах зээлд нийлүүлэгдсэн шинэ, хуучин нийт 4358 орон сууцны мэдээллийг хамруулжээ. Судалгаагаар хуучин орон сууцны үнийн индекс суурь өмнөх сараас -0.6 хувиар, оны эхэн үеэс -5.3, өнгөрсөн оны мөн үеэс -9.8 хувиар буурсан үзүүлэлттэй гарсан байна. Жишээ нь өнгөрсөн сард хоёр өрөө хуучин орон сууц 94.300.000 төгрөгийн үнэтэй байгаа нь өнгөрсөн оны мөн үетэй харьцуулахад 6.2 хувиар буурсан үзүүлэлт гэнэ. Гэхдээ хуучин орон сууцны үнэ дүүргээсээ хамаарч өөр, өөр байна. Сүхбаатар дүүрэгт хоёр өрөө байр 111.2 сая, Чингэлтэй дүүрэгт хоёр өрөө байр 107.5 сая, Баянгол дүүрэгт 93.9 сая, Баянзүрх дүүрэгт 93.1 сая, Хан-Уул дүүрэгт 80.9 сая, Сонгинохайрхан дүүрэгт 78.3 сая төгрөгийн үнэтэй байна. Шинэ орон сууцны тухайд үнийн индекс нь 26.7 хувьтай гарчээ. Энэ нь өмнөх сараас -0.4 хувиар бууралттай, өмнөх оны мөн үетэй харьцуулахад 0.5 хувийн өсөлттэй гарсан аж. Шинэ байрны үнэ ийм хэлбэлзэлтэй гарсан нь төгрөгийн гадаад валюттай харилцах ханшаас хамааралтай гэнэ.Шинэ орон сууцны үнэ байрлалаасаа хамаарч өөр өөр байгааг судалгааныхан онцлов. Сүхбаатар дүүрэгт баригдсан орон сууц нэг метр квапрат нь 3 сая 150 мянган төгрөг болХан-Уул дүүрэгтхоёр сая 930 мянга, Баянзүрх дүүрэгт хоёр сая 230 мянга, Баянгол дүүрэгт хоёр сая 140 мянга, Чингэлтэй дүүрэгт нэг сая 840 мянга, Сонгинохайрхан дүүрэгт нэг сая 640 мянган төгрөгийн үнэтэй байна.