ЭМЯ-ны ээлжит хэвлэлийн бага хурлын үеэр ХӨСҮТ-ийн захирал Ц.Билэгтсайхан халдварын нөхцөл байдлын талаар мэдээлэл өглөө.
Тэрээр “Манай улсад Омикроны давлагаа Дельта хувилбарын давлагаанаас өндөргүй байна. Өнгөрсөн долоо хоногоос хичээл сургууль эхэлсэнтэй холбоотой халдварын тохиолдол нэмэгдэж байна. Омикроны ид ачааллын үетэй харьцуулахад орны ачаалал буурсан.
Өнөөдрийн байдлаар томуу, томуу төст өвчний дэгдэлт улаан түвшинд байгаа зургаан аймаг бий. Өмнөх долоо хоногтой харьцуулахад улаан түвшиндээ орсон аймаг таваар нэмэгдсэн. Энэ өвчний дэгдэлт орон нутагт нэмэгдсээр байна” гэв.