1990 онд онц хэрцгий байдлаар хүний аминд хүрч, гэмт хэрэг үйлдсэн О.Тамир 20 гаруй жил хүнд дэглэмтэй хорих ангид ял шийтгэлээ эдэлж дуусчихаад чөлөөлөгдсөн ч дахин гэмт хэрэгт холбогдсон байна. Тодруулбал тэрбээр суллагдсанаасаа хойш Эрүүгийн цагдаагийн газрын хяналтад байсан бөгөөд энэ сарын 2-ны өдөр хамтран амьдрагчаа хэвлий тус газарт нь хутгалсан хэрэг үйлджээ.
Эх сурвалжийн мэдээлж буйгаар тэрбээр хамтран амьдрагч бүсгүйгээ байнга зоддог байсан. Харин эл хэргийг архи согтууруулах ундааны төрлийн зүйл хэрэглэсэн байх үедээ үйлдсэн бөгөөд тэд маргалдаж, улмаар хамтран амьдрагчаа хутгалсан гэнэ.
Түүний энэ үйлдлийг хүний аминд санаатай хүрэх гэсэн оролдлого байсан гэж эх сурвалж хэлж байлаа.
Одоогоор хутгалуулсан гэх эмэгтэйн биеийн байдал тун муу, Цэргийн төв госпиталд хэвтэн эмчлүүлж байгаа аж. Харин О.Тамирыг эрэн хайх ажиллагааг хоёр хоногийн турш үргэлжилж буй гэнэ.