IT-гийн инженер Ш.Отгон-Өлзий найз нөхдийнхөө хамтаар “Цахим хандив” гэсэн сан байгуулжээ. Уг сангийн нээлтийн ёслол өчигдөр болсон байна. Тус сан нь өвдөж шаналсан, хандив тусламж шаардлагатай болсон хүүхдүүдэд туслах юм байна. Тодруулбал энэхүү албан ёсны “Цахим хандив” санд цугларсан мөнгийг хандивлах ажээ. Хандивын сан нь дараахь чиглэлээр үйл ажиллагаагаа явуулах юм байна.
1.Өвчтэй хүүхдийн нэр барих буюу хуурамч өвчтөний нэрээр иргэдийг залилан хандив цуглуулах зэрэг хуурамч, буруу булхай сөрөг үзэгдэлийг цэгцлэх;
2.Хандив хүсэгч хүүхэд хандив цуглуулахын тулд үүрэн холбооны тусгай дугаарууд худалдан авах гэж цаг хугацаа алдах, банкинд данс нээх гэх мэт үр ашиггүй зардлууд гаргаж цаг хугацаа алддаг байдлыг багасгах;
3.Хандив тусламжийн мэдээллийг олон нийтэд хүргэх нэгдсэн системийг бий болгоно;
4.Нийгмийн хариуцлага өндөртэй хандивлагч хувь, албан байгууллагуудтай тогтмол хамтран ажиллаж, тэднээр дамжуулан хүмүүнлэг үйлсийг түгээн дэлгэрүүлэхэд чиглэж ажиллана.
Олонд тустай сайн үйлс эхлүүлсэн дүү нартаа амжилт хүсье. Сайн үйлс дэлгэрэх болтугай.