Хөгжлийн банкны гүйцэтгэх захирал асан Н.Мөнхбатыг Авлигатай тэмцэх газраас сэжигтнээр тооцон Цагдан хорих 461 дүгээр ангид 14 хоног саатуулсан. Харин түүний хорих хугацааг сунгаж, дахин хоёр сар хорихоор болжээ.
Н.Мөнхбат болон тус банкны зарим ажилчдыг албан тушаалаа ашиглаж, төсвийн мөнгө үрэгдүүлсэн, “Чингис”, “Самурай” бондын хөрөнгийг зүй зохисгүй зарцуулсан хэрэгт буруутган шалгаж байгаа юм. АТГ-аас түүнд холбогдох эрүүгийн хэргийг нэгтгэж, зарим албан хаагчдынх нь хамт сэжигтнээр татаж, шалгаж байгаа.
Дээрх хэрэгт үндэслэн Эрүүгийн хуулийн 150 дугаар зүйлийн 150.3-т зааснаар “Аж ахуйн нэгж, байгууллага, иргэдийн өмчийг итгэмжлэгдэн хариуцсан этгээд завшсан буюу үрэгдүүлсний улмаас бусдад их буюу онц их хэмжээний хохирол учирсан бол эд хөрөнгийг хурааж, 5-аас дээш 10 жил хүртэл хугацаагаар хорих ял шийтгэнэ”, 265 дугаар зүйлийн 265.2-т зааснаар “Төрийн бус байгууллага, аж ахуйн нэгжийн албан тушаалтан хувьдаа болон бусдад давуу байдал тогтоох, ашиг хонжоо олох зорилгоор хууль тогтоомж, дүрмээр олгогдсон албан тушаалын эрх мэдлээ урвуулан ашигласан гэсэн заалтыг үндэслэн цагдан хорьсон байдаг.
Н.Мөнхбатын ээж Ц.Ганбат “Өдрийн сонин”-ы №245 (5510) дугаарт “Хүү маань надад хийсэн буруу зүйл байхгүй. Битгий санаа зов гэсэн” хэмээх ярилцлагыг өгсөн ббилээ.