Өнөөдөр Улаанбаатар хотод салхи зүүн өмнөөс секундэд 7-12 метр, зарим үед секундэд 14-16 метр хүрч ширүүсэж, шороон шуурга шуурч байна. Шөнөдөө 0-2 градус, өдөртөө 14-16 градус дулаан байна.
Хүчтэй салхины улмаас Энхтайвны гүүрний гэрлийн шонгууд хазайж, зарим нь унажээ. Холбогдох байгууллагуудаас тус гэрлийн шонгуудыг засварлаж байгаа юм. Иймд салхи шуурга намдаж, засварын ажил дуустал хүртэл Энхтайвны гүүрээр зорчихгүй байхыг анхааруулж байна. Түүнчлэн Улаанбаатар хотын бусад хэсгүүдэд ч авто замын голын хайс, хашлаганууд салхины улмаас нуржээ.
