Солонгосын хойгийн 1950-1953 оны дайнаар хагацсан гэр бүлүүдийг
уулзуулах асуудлыг яг одоо хоёр талын албаныхан хэлэлцэж байна. Хоёр
Солонгосын албаныхны уулзалтаар гэр бүлүүдийг уулзуулах газар, хугацаа,
байршлыг товлох аж. Хойд болон Өмнөд Солонгосын төлөөлөгчдийн уулзалт
өнөө өглөө /IX.7/ 10.40 цагт Панмунжум тосгонд эхэлжээ.
Өмнө нь өнгөрсөн наймдугаар сарын сүүлээр Хоёр Солонгосын албаныхан
хойгийн хурцадмал байдлыг намжаахаар уулзсан юм. Уулзалт хэлэлцээний
үеэр дайнаар хагацсан гэр бүлүүдийг уулзуулахаар тохиролцжээ.
Солонгосын хойгийн дайнаар гэр бүлээсээ хагацсан 66 мянга гаруй хүн байдаг аж.