Өчигдөр мотоцикльтой Австрали улсын хоёр иргэн Сэлэнгэ аймгийн Сайхан сумын Орхон голын гүүрээр гарч яваад бие биентэйгээ мөргөлдсөнөөс хүнд гэмтжээ. Ослын газар ОБЕГ-ын алба хаагчид ирж Австрали улсын иргэн Андриа Броснан (39 настай, эмэгтэй)-д яаралтай эмнэлгийн анхан шатны тусламж үзүүлж тус аймгийн Сант суманд зам тавьж байсан зам ангийн “Ланд Круйзер” 77 маркийн автомашинаар Дархан-Уул аймгийн Нэгдсэн эмнэлэгт хүргэжээ. Өнөөдрийн байдлаар Австрали улсын иргэн Андриа Броснан Улаанбаатар хотын Гэмтэл, согог судлалын үндэсний төвд хэвтэн эмчлүүлж байгаа аж.