Авто зам, барилгын ажил өнгөрсөн дөрөвдүгээр сарын 18-нд эхэлсэн билээ. Энэ онд улсын төсөв, Хөгжлийн банк, нийслэлийн төсөв, Авто замын сан болон концессоор 33.3 км авто зам 745 у/м гүүр шинээр барьж, 61.3 км авто зам 84 у/м гүүр өргөтгөн шинэчлэх юм. Энэ ажлын хүрээнд нийслэлийн зарим замыг хааж засвар, нөхөлтийн ажлыг хийж байгаа бөгөөд,”Энканто таун”-ы уулзвараас “Жапан таун” руу орох хэсгийн уулзвар хүртэлх замыг энэ сарын 20-ны өдрийн 23:00 цагаас 22-ны өдрийн 23:00 цагийн хооронд хаахаар болжээ.
Зам барилгын ажил явуулах хооронд түр зам гаргах бөгөөд иргэд түр замаар хөдөлгөөнд оролцох боломжтой юм байна.
Мөн Хан-Уул дүүрэг, Нисэхийн уулзвараас хойш 250м авто замыг энэ сарын 20-ны 22.00 цагаас 22-ны 22:00 цаг хүртэл хааж хучилт хийнэ.