Улсын хэмжээнд хоёр аймагт түймэртэй байна. Тодруулбал, Увс аймгийн
Өндөрхангай сумын Цалуу багийн “Нуурын овгор” гэдэг газар /сумын төвөөс
зүүн хойд зүгт 50 км/ ойн түймэр гарчээ. Уг түймрийг унтраахаар тус
аймгийн Онцгой байдлын газрын 12 албан хаагч, нэг автомашин, орон
нутгийн 28 иргэн, гурван автомашин, нийт 40 хүн гурван хоногийн турш
ажиллаж байна.
Мөн Булган аймгийн Тэшиг сумын Хужирт багийн “Улаан-Эрэг тусгалт” гэдэг
газар /Аймгийн төвөөс хойд зүгт 280 км, сумын төвөөс зүүн зүгт 80 км-т/
бас л ойн түймэр гарсан байна. Түймрийн голомтод аймгийн Онцгой
байдлын газрын 20 албан хаагч, хоёр автомашин, орон нутгийн 10 иргэн,
дөрвөн мотоцикль, нийт 30 хүн ажиллаж байна.
Увс аймгийн Сагил сумын Баянзүрх багийн “Сээрийн дэнж” гэдэг газар
/сумын төвөөс баруун хойд зүгт 35 км/-т мөн л түймэртэй байна. Түймрийг
унтраахаар орон нутгийн 10 иргэн, 1 автомашин, Хилийн 0245 дугаар
ангийн 11 албан хаагч, нэг автомашин, нийт 21 хүн, хоёр техник
хэрэгсэлтэйгээр ажиллаж байгаад цурамд оруулсан байна. Гэвч түймрийг
цурамнаас дахин алдсан учир аймгийн Онцгой байдлын газрын зургаан албан
хаагч, нэг автомашинтай, орон нутгийн 45 иргэн хүч нэмэгдүүлэн ажиллаж
байна.