Маргааш Монгол Улсын Ерөнхийлөгчийн сонгууль орон даяар явагдана. Энэ үеэр хотын хөл хөдөлгөөн ямар байгааг тодрууллаа. Өнөөдөр амралтын өдөр учир Улаанбаатар хот доторх хөдөлгөөн ачаалал багатай байна. Харин нийслэлийн Сонгинохайрхан дүүрэгт орших 61-ийн гарам, хуучнаар 22-ын товчоон дээр хөдөлгөөн нэлээд байгаа тухай өмнө нь бид мэдээлсэн билээ. Яг одоогийн байдлаар хотын зүүн зах буюу Баянзүрхийн товчоо, баруун зах болох 22-ын товчоогоор хотоос гарч буй хөдөлгөөний ачаалал эрс ихэсчээ. Учир нь ойрын өдрүүдэд нийслэлд нэмэх 30 гаруй хэм дулаан байгаа тул оршин суугчид цэвэр агаарт гарч амрахаар явцгааж байгаа аж. Харин маргааш сонгуулийн өдөр учир хотоос гарсан иргэд буцан ирэхтэй зэрэгцэн нэвтрэх точоодын хөдөлгөөн нэмэгдэхийг сануулж байна.