ШШГЕГ-ын харьяа Хорих 461 дүгээр ангиас
энэ сарын 3-4-нд шилжих шөнө хоёр сэжигтэн оргосон. Сэжигтнүүд оргосноос
хойш 12 хоног өнгөрөөд байгаа хэдий ч өдийг хүртэл олоогүй хэвээр
байгаа юм.
Сэжигтэн Э.Вантөмөр, Б.Амарбаясгалан нар 22-23 настай бөгөөд хулгайн
болон залилангийн хэргээр цагдан хоригдож байсан бөгөөд тэдэнтэй
холбоотой баттай мэдээлэл өгөх болон барьж өгсөн иргэнд нэг сая
төгрөгийн шагнал өгнө гэж ШШГЕГ-аас мэдэгдээд байгаа билээ.
