Үндэсний статистикийн хорооны мэдээлснээр махны үнэ өмнөх сартай харьцуулбал буурсан үзүүлэлттэй гарчээ. Тодруулбал, хонины ястай махны үнэ өмнөх сараас 9.1 хувь, үхрийн ястай махны үнэ 1.8 хувь, адууны махны үнэ 3.5 хувь, ямааны махны үнэ 6.4 хувиар буурсан байна. Харин үхрийн цул махны үнэ 2.3 хувиар өссөн байна. Өнөөдрийн байдлаар нэг кг хонины ястай мах дунджаар 5815 төгрөг, үхрийн ястай мах 7495 төгрөг, үхрийн цул мах 9630 төгрөг, адууны мах 5465 төгрөг, ямааны мах 5265 төгрөгийн үнэтэй байна.