Завхан аймгийн Тэс суман дахь хилийн 0277 дугаар ангийн заставын хоёр байлдагч амь насаа алдсан байдалтай олджээ.
Тус ангийн хоёр байлдагч долдугаар сарын 24-ны өдөр хилийн харуулд гарч байгаад 16.00 цагт харуул солилцох үед ирээгүй бөгөөд 19.00 цагийн орчимд нэг байлдагчийн унаж явсан морь ангид эргэж ирснээр шуурхай дуудлагыг аймгийн Цагдаагийн газар, Онцгой байдлын газарт өгчээ. Долдугаар сарын 25-ны өдөр Завхан аймгийн Онгой байдлын аврах бүрэлдэхүүн, Цагдаагийн газраас эрэлчид томилогдон хуурай газраар болон ойд самналт хийж эрэн хайжээ. Эрлийн баг Тэсийн голын сав дагуу газар цүнхээлээс хоёр байлдагчийн цогцсыг олжээ. Мөн хоёр байлдагчийн нэгнийх нь унаж явсан морийг олсон гэнэ.
Мөрдөн шалгах ажил үргэлжилж байна. Урьдчилсан байдлаар нэг байлдагч нь морио услаж байгаад тогтоол цөөрөмд живсэн, түүнийгээ татаж гаргах гэж байгаад нөгөөх нь мөн санамсаргүй живсэн гэсэн дүгнэлтийг гаргасан байна.