Энэ сарын 1-н өдөр “Хилийн хяналт-Иргэн таны оролцоо” сэдэвт аяны төлөвлөгөөнд батлагдсаны дагуу “Ахмадуудаасаа суралъя” сэдэвт танхимын болон онлайн сургалтыг зохион байгуулж, хилийн хорио цээрийн хяналтын салбарт ажиллаж байсан ахмадуудаас зөвлөмж зөвлөгөөг ХМХА, хэлтсийн удирдлага, улсын /ахлах/ байцаагч нарт хүргэжээ.
Сургалтын дараа сарын аяны төлөвлөгдсөн ажлын гүйцэтгэлийг дүгнэсэн хаалтын арга хэмжээг хийлээ. ЭИХХЦХГ-аас аж ахуйн нэгжид зориулсан сургалтыг зургаан удаа зохион байгуулж, 240 аж ахуйн нэгж иргэнийг, улсын байцаагч нарт зориулсан сургалтыг долоон удаа зохион тус тус байгуулж, 300 улсын байцаагчийг цахим болон танхимын хэлбэрээр хамруулсан байна.
Хөрш зэргэлдээ улстай мэргэжлийн чиглэлээр /эрүүл ахуй, халдвар хамгаалал/ нэг санамж бичиг зурж, гадаадын сургалтыг /химийн хорт бодисын хяналт / нэг удаа зохион байгуулсан байна. Олон улсын хөл хориот өвчнөөс сэргийлэх үзүүлэх сургууль, ширээний дасгал сургуулилтыг Алтанбулаг, Буянт-Ухаа боомтууд хил, хяналтын болон мэргэжлийн байгууллагуудтай хамтран зохион байгуулав.
Замын-Үүд боомтод 1.6 сая юаны хөрөнгө оруулалттай ариутгалын төхөөрөмжийг ашиглалтанд оруулж, Гашуунсухайт боомтод 150 сая төгрөгийн үнэтэй усны машиныг Засгийн газрын нөөц хөрөнгөөр шийдвэрлэв. “Хилийн хяналт-Иргэн таны оролцоо” сарын аяныг хилийн хорио цээрийн хяналтын системийн хэмжээнд үр дүнтэй зохион байгуулсан аж.