Энэ жил есдүгээр сарын 1-н ням гарагт тохиож байна. Хичээлийн шинэ жилийн нээлт улсын хэмжээнд есдүгээр сарын 1-нд болно. Харин 2-ны даваа гарагаас эхлэн хичээл хэвийн үргэлжилнэ хэмээн БСШУСЯ-наас мэдээллээ.
Дашрамд дурдахад, энэ хичээлийн жилд ерөнхий боловсролын 850 гаруй сургуульд 644 мянган хүүхэд суралцана. Энэ нь өмнө жилээс 50 орчим мянгаар нэмэгдэж байгаа юм. Харин цэцэрлэгт 275 мянган хүүхэд суралцана. Энэ нь өмнөх жилтэй харьцуулбал цэцэрлэгийн хүүхдийн тоо 15 мянгаар нэмэгдсэн үзүүлэлт юм. Цэцэрлэг, сургуульд суралцах хүүхдийн тоо нийтдээ 65 мянгаар нэмэгдсэн байна.
ЕБС-д 44 мянга орчим багш, цэцэрлэгт 10 мянга, их, дээд сургуульд долоон мянган багш ажиллаж байгаа юм.