Японы мэргэжлийн сүмо бөхийн хаврын тэмцээн Осака хотноо дөрөв дэхь өдрөө үргэлжилж байна. Энэ удаагийн башёд дөрвөн аварга барилдаж байгаагаараа онцлог билээ.
Аварга Харүмафүжи Д.Бямбадорж өчигдөр магэшира Сококуратай оноолт таарч барилдан, хатакикоми мэхээр ялагдлаа. Тэрээр эхний өдөр сэкивакэ Котошёогикүд мөн ялагдсан. Өнгөрөгч нэгдүгээр сарын башёг барилдааны дундаас орхисон Харүмафүжи энэ удаагийн башёд аз муутайхан байна.
Шинэ аварга Кисэносато өнөөдөр Таканоимаг давснаар аварга Какүрюү М.Ананд, озэки Тэрүнофүжи Г.Ган-Эрдэнэ нарын найман бөхийн хамт гурван даваатай башёг тэргүүлж байна.