Монгол Улсын харцага цолтнуудад хүндэтгэл үзүүлэх Улс, аймгийн алдар цолтой 224 бөхийн уламжлалт барилдаан өнөөдөр 14.00 цагаас Монгол бөхийн өргөөнд эхлээд байна. Одоо хүчит бөхийн барилдааны хоёрын даваа үргэлжилж буй. Тус барилдааныг 2006 оноос эхлэн зохион байгуулсан бөгөөд анхны барилдаанд улсын харцага Г.Элбэг түрүүлж, улсын начин Ду.Батбаяр үзүүрлэж байжээ. Өнгөрсөн жил ес дэх удаагийн барилдаанд улсын начин Р.Пүрэвдагва түрүүлж, аварга С.Мөнхбат үзүүрлэж байсан аж.