Их Британийн ханхүү Харри хар тамхи хэрэглэж байхдаа цагдаагийнханд баригдаж байсан ч ханхүү гэх шалтгаанаар хэд хэдэн удаа хэрэг хүлээлгүй өнгөрсөн хэмээн Жое Брэнд гэх мөрдөгч эмэгтэй “ВВС” агентлагт ярьжээ. Тэрээр “Надад ханхүү Харригийн хар тамхи хэрэглэсэн гэх баримт байна. Өнгөрсөн дөрөвдүгээр сард ханхүү Уиллим эхнэр Кейт Миддилтон болон бяцхан ханхүү Жорж Александр Луигийн хамтаар Шинэ Зеланд, Австрали улсуудад төрийн айлчлал хийсэн. 29 хоногийн хугацаатай тус айлчлал өндөрлөсний дараа хоёр ханхүү дээдсийн хүрээлэнгийн хэдэн найзын хамтаар Лондон хотод байрлах “Miami” шөнийн клубт шоудсан. Тэр үед Харри хар тамхи хэрэглэсэн ч ханхүү гэх шалтгаанаар цагдаагийханд саатуулагдаагүй. Лондонгийн цагдаа нар тэднийг үргэлж, өөгшүүлж эрхлүүлдэг” гэжээ. Түүний мэдэгдлийн дараа Букинхамын ордноос Хатан хааны гэр бүлийн нэр хүндэд санаатайгаар халдаж, гутаан доромжилсонд харамсч буйгаа мэдэгдсэн байна. Мөн ханхүүг хар тамхи хэрэглэсэн гэх худал цуурхалаа зогсоохгүй бол хуулийн хариуцлага хүлээлгэхийг сануулсан тухай “Hollywoodlife.com” мэдээлжээ.