Тулгар төр байгуулагдсаны 2229, Их Монгол улс байгуулагдсаны 814 жил, Ардын хувьсгалын 99 жилийн ойн Үндэсний их баяр наадмын Үндэсний сурын харваа яг одоо XIII зуун цогцолборт үргэлжилж байна.
Энэ жилийн Үндэсний сур харваанд нийт 540 орчим харваач оролцож байгаа юм. Үүнээс эрэгтэй 396, эмэгтэй 144 харваач цэц мэргэнээ сорьж байна. Монголын Үндэсний сурын холбооны ерөнхий нарийн бичгийн дарга Б.Хүрэлбаатар “Одоогоор хана харваа дуусаж, хасан харваа эхэлж байна” гэж мэдээлэл өглөө.