Хууль зүйн яамны шийдвэрээр улсын хэмжээнд үйл ажиллагаа явуулж буй сүм хийдийн байдалд үзлэг шалгалт хийж эхэлжээ. Өнөөдрийн байдлаар зарим дүүрэгт хийсэн үзлэг шалгалтын мэдээ гарч эхэлж байна. Нийслэлийн Хан-Уул дүүргийн ИТХ-ын дарга захирамж гарган дүүргийн нутаг дэвсгэрт үйл ажиллагаа явуулж буй шашны байгууллагад шалгалт хийж дуусчээ. Шалгалтад 36 байгууллага орсноос үйл ажиллагаа явуулах зөвшөөрөлтэй 17, төвийн үйл ажиллагаа явуулах зөвшөөрөлтэй тав, зөвшөөрөл авах хүсэлтээ нийслэлийн ИТХ-д илгээсэн нэг, зөвшөөрлийн хугацаа дууссан нэг сүм хийд тус тус гарсан байна. Огт зөвшөөрөлгүй 12 байгууллага илэрчээ.