Дархан-Уул аймгийн Хонгор сумын хоёрдугаар багийн “Булагт” гэдэг газар Шарын гол сумын Санжинт багийн оршин суугч иргэн 65 настай эрэгтэй О энэ сарын 06-ны өдрийн 18:00 цагт Хонгор сумын “Булагт” гэдэг газар халиар түүж яваад сураггүй болсон байна. Дуудлагын дагуу тус аймгийн Онцгой байдлын газрын Шарын гол сум дахь Гал түймэр унтраах, аврах 55 дугаар ангийн 10 алба хаагч, орон нутгийн есөн иргэн, нийт 19 хүн, хоёр техник хэрэгсэлтэйгээр Хонгор сумын “Булагт” гэдэг газар эрэн хайх ажиллагааг зохион байгуулж эхэлсэн байна. Улмаар өчигдөр өдрийн 12:34 цагт алга болсон газраас зүүн урд зүгт 2 км-т цогцсыг олж цагдаагийн байгууллагад шилжүүлэн өгчээ.