Халдарт өвчин судлалын үндэсний төвд ХДХВ/ДОХ-ын хөнгөвчлөх эмчилгээний тасаг нээгдэв. Өмнө нь ХӨСҮТ-ийн амбулаторид ХДХВ/ДОХ-той хүмүүсийн тусламж үйлчилгээний өрөөнүүд байсан бол одоо хэвтэн эмчлүүлэх боломжтой бүрэн тохижсон шинэ тасаг бий боллоо.
Монгол Улсад анх ХДХВ-ын халдвар оношлогдсоноос хойш 2017 оны арванхоёрдугаар сарын 31-ний байдлаар нийт 250 тохиолдол бүртгэгджээ. ХДХВ-ын халдварын тархалт нийт хүн амын 0,1 хувиас бага, харин бэлгийн цөөнх эрэгтэйчүүдийн дунд 12 хувь (ХДХВ, БЗДХ-ын тандалтын судалгаа 2014) байна. Манай улс Дэлхийн Эрүүл Мэндийн Байгууллагын ангиллаар нийт хүн амын дунд ХДХВ-ын халдварын тархалт багатай, харин эрсдэлт бүлгийн хүн амын дунд төвлөрсөн тархалттай орны тоонд орсон байна.
Г.МӨНХЦАЦРАЛ
