Мэргэжлийн сүмо бөхийн Их аварга Хакүхо М.Даваажаргалын нэрэмжит
“Хакүхо цом” сүмо бөхийн өсвөр үеийн аварга шалгаруулах тэмцээн
маргааш(XI.08) Спортын төв ордны “А” зааланд болно.
“Хакүхо цом” өсвөрийн сүмочдын тэмцээнийг “Хакүхо сан”-гаас санаачлан зургаа дахь жилдээ зохион байгуулах гэж байна.
Их аваргын ивээл дор явуулдаг, “Эрүүл монгол хүүхэд”-ийн төлөө уриатай
тэмцээнийг “Хакүхо сан”, Их Шавийн дээд сургууль хамтран зохион байгуулж
байгаа бөгөөд тэмцээнд оролцогчид 8, 9, 10, 11, 12, 13-15 гэсэн зургаан
насны ангиллаар өрсөлдөнө.
Тэмцээний бүртгэл өчигдөр дууссан бөгөөд техникийн зөвлөгөөний хурал
өнөөдөр 15.00 цагаас Их шавийн дээд сургуулийн байранд болно.
Тэмцээнд өрсөлдсөн өсвөрийн тамирчдаас Текниктэй бөх, Дайчин бөх, Уран
барилдааны шагналтан тодруулна. Улмаар нас насны ангилалд медальт байр
эзэлсэн болон амжилттай барилдсан хүүхдүүдийг бэлтгэлд хамруулж, 2016
оны хоёрдугаар сард Японы Токио хотноо зохиогдох “HAKUHO CUP” олон улсын
тэмцээнд оролцох найман хүүхдийг сонгон шалгаруулах юм.