АН-ын 10 дугаар Их хурлаар хэлэлцсэн тус намын дүрмийг Улсын дээд шүүх буцаасан. Ингэснээр тус намын даргыг нийт гишүүдийнхээ дунд сонгууль явуулж, тодруулахаар болж байна. Харин АН-ын даргад нэр дэвшин өрсөлдөнө гэдгээ 11 хүн илэрхийлээд байгаа юм. Тэгвэл УИХ-ын гишүүн асан Х.Тэмүүжин тус намын даргад өрсөлдөнө гэдгээ мэдэгдсэн байна. Тодруулбал тэрээр хэвлэлд өгсөн ярилцлагадаа “АН-ын даргын өрсөлдөөнөөс хойш суух бодолгүй байна” хэмээн мэдэгджээ.