Үндэсний эрх чөлөө, тусгаар тогтнолоо сэргээн мандуулсны 105 жилийн ойг тохиолдуулан Монгол Улсын Ерөнхийлөгч зарлиг гаргаж, салбар бүрт амжилттай ажилласан хүмүүсийг шагнаж, урамшуулсан билээ.
Улмаар ХБК-ийн Циркийн багш Хишигтийн Ганболдыг Хөдөлмөрийн гавьяаны улаан тугийн одонгоор шагнасныг 2017.01.20-ны өдөр БСШУСЯ-ны Төрийн нарийн бичгийн дарга Б.Баярсайхан гардуулав. Х.Ганболд нь тус салбарт 30 гаруй жил ажиллаж, монголын циркийн урлагийн хөгжилд үнэтэй хувь нэмэр оруулсан нэгэн юм. Тэрбээр өнгөрсөн хугацаанд нийт 50 гаруй мэргэжлийн циркийн жүжигчин бэлтгэжээ. Эдүгээ түүний шавь нар тив, дэлхийд алдраа дурсган, салбартаа амжилттай ажиллаж байна.