Монголын үндэсний олимпын хорооны ээлжит чуулган өнөөдөр болох бөгөөд тус хуралдаанаар ерөнхийлөгч, дэд болон тэргүүн дэд ерөнхийлөгч, Гүйцэтгэх зөвлөлийн гишүүдийг энэ үеэр сонгоно.
Тэгвэл ирэх олимпын мөчлөгт МҮОХ-г удирдахаар Ерөнхийлөгч асан Х.Баттулга, МҮОХ-ын тэргүүн дэд ерөнхийлөгч Б.Баттүшиг, Монголын биатлоны холбооны ерөнхийлөгч Э.Мөнх-Очир нар нэрээ дэвшүүлээд буй. Олимпын хорооны нийт 180 гишүүний саналаар ерөнхийлөгч, дэд болон тэргүүн дэд ерөнхийлөгч, Гүйцэтгэх зөвлөлийн гишүүдийг сонгох юм.
Монголын үндэсний олимпын хорооны Ерөнхийлөгчид нэр дэвшээд буй Х.Баттулга албан ёсоор нэрээ татсан талаар эх сурвалж мэдээллээ.
Олимпын хорооны VIII чуулган үргэлжилж байна. Өнөөдрийн чуулганаар олимпын хорооны Ерөнхийлөгч, Тэргүүн дэд ерөнхийлөгч, Дэд ерөнхийлөгч болон Гүйцэтгэх зөвлөлийн гишүүдийг сонгох юм.
Олимпын хорооны Ерөнхийлөгчид Ерөнхийлөгч асан Х.Баттулга, МҮОХ-ын тэргүүн дэд ерөнхийлөгч Б.Баттүшиг, Монголын биатлоны холбооны ерөнхийлөгч Э.Мөнх-Очир нар нэрээ дэвшүүлээд байсан. Тэгвэл Монгол Улсын Ерөнхийлөгч асан Х.Баттулга нэрээ татжээ.