Монгол Улсын Ерөнхийлөгчийн сонгуульд нэр дэвшигчдийн хооронд болох анхны мэтгэлцээн “Хууль эрх зүй-Шударга ёс” сэдэв дор өнөөдөр 20.00 цагаас эхлэх юм.
Энэхүү мэтгэлцээнийг Монголын Телевизүүдийн холбооны гишүүн өргөн нэвтрүүлгийн 16 сувгаар шууд дамжуулах бөгөөд иргэдээс нэр дэвшигчдэд тавих асуултыг хүлээн авна. Асуултыг Фэйсбүүк, Твиттер зэрэг нийгмийн сүлжээ болон 19001950 утсаар 17:00 цагт хүртэл хүлээн авах бөгөөд нэр дэвшигчдэд тавих асуултыг сугалаагаар сонгох юм.
Тэгвэл цагийн өмнө АН мэдээлэл хийж, өнөөдрийн болох мэтгэлцээнд тус намаас нэр дэвшигч Х.Баттулга оролцох боломжгүй гэж мэдэгдлээ.
Баттулга Төв аймагт иргэдтэй уулзах товлосон цаг нь мэтгэлцээний цагтай давхцаж байгаа юм байна.
Харин МАН-аас нэр дэвшигч М.Энхболд болон МАХН-аас нэр дэвшигч С.Ганбаатар нар мэтгэлцээнд оролцохоо мэдэгдээд байгаа юм.
Нэг нэр дэвшигч оролцохгүйгээс шалтгаалан мэтгэлцээн цуцлагдах эсэх нь тодорхойгүй байна.
