“Guys” хамтлагийн дуучин Х.Бат-Ундрал холбогдох хар тамхины хэргийг өнөөдөр шүүх шийдвэрлэлээ.
Тэрбээр Замын-Үүдийн гаалиар их хэмжээний хар тамхи оруулах гэж байгаад баригдсан хэргээр хуулийг байгууллагад шалгагдсан билээ. Уг хэргийн мөрдөн байцаалтын ажиллагаа дуусаж шүүхэд шилжсэн байна.
Тодруулбал, Хан-Уул дүүргийн Эрүүгийн хэргийн анхан шатны шүүхэд түүний гэм буруутай эсэхийг хэлэлцэв. Х.Бат-Ундралд Эрүүгийн хуулийн 192.1, 192-р зүйл нь Мансууруулах болон сэтгэцэд нөлөөлөх эм, бэлдмэл, бодисыг хууль бусаар бэлтгэх, олж авах, хадгалах, тээвэрлэх, илгээх, борлуулах гэсэн хэсэг бөгөөд Х.Бат-Ундарлыг гэм буруутай гэж үзвэл шүүхээс хөдөлмөрийн хөлсний доод хэмжээг нэг зуугаас нэг зуун тавь дахин нэмэгдүүлсэнтэй тэнцэх хэмжээний төгрөгөөр торгох, гурваас дээш зургаан сар хүртэл хугацаагаар баривчлах, эсхүл хоёр жил хүртэл хугацаагаар хорих ялаар шийтгэх байв. Анхан шатны шүүхээс Х.Бат-Ундралыг гэм буруутай гэж үзэн хоёр жил хорих ял оногдуулж мөн хугацаагаар тэнсэж хянан харгалав.