Хан-Уул дүүргийн Зайсан дахь салбараар хоёрдугаар сарын 9-12-ны өдрүүдэд үйлчлүүлсэн иргэд хоолны хордлого авч 11-ний өдрөөс эхлэн ХӨСҮТ-д хандсан талаар бид өмнө нь мэдээлж байсан. Хордлогын улмаас өнгөрсөн хугацаанд нийт 242 хүнд эмнэл зүйн шинж илэрч, 44 хүн эмнэлэгт хэвтэн эмчлүүлсэн гэх тоон мэдээллийг НМХГ-аас олон нийтэд мэдээлээд байгаа. Үүнтэй холбогдуулан, НМХГ-аас өнгөрсөн сарын 18-21-ны хооронд KFC салбаруудад шалгалт явуулсан билээ.
Тэгвэл, шалгалтын талаар зарим мэдээллийн сайтуудаар KFC-д хийсэн шалгалтын хариу маргааш гарна, эсвэл энэ сарын 25-нд гарна гэх зэргээр мэдээлж байна. Энэ талаар МХЕГ-аас тодруулбал ” Шалгалтын ажил хийгдэж байгаа. Хэзээ хариу гарах нь тодорхойгүй. Бид албан ёсоор хэвлэл мэдээллийн хэрэгслээр мэдээлэх болно” гэлээ.