Кенийн тамирчдаас анх удаа 400 метрийн саадтай гүйлтийн төрөлд дэлхийн аварга болсон тамирчин 28 настай Николас Бетт өчигдөр буюу энэ сарын 08-ны өдөр Кенийн хойд нутгийн Нанди тойрогт автомашинтайгаа осолдон харамсалтайгаар амиа алджээ. Тэрээр саяхан Нигерид болсон Африкийн аварга шалгаруулах тэмцээнд оролцчихоод дөнгөж ирээд байжээ. 2015 онд Хятадад болсон хөнгөн атлетикийн дэлхийн аварга шалгаруулах тэмцээнд 400 метрийн саадтай гүйлтийн төрөлд Кени улсаас анх удаагаа алтан медаль хүртсэн тамирчин болж байсан юм. Мөн Африкийн аварга шалгаруулах тэмцээний хошой хүрэл медальтай аж.
Түүнийг нас барсан гэж Кенийн тамирчид “Твиттер” хуудсаараа дамжуулан албан ёсны мэдэгдэл хийсэн байна. Мөн тус улсын спортын сайд Рашид Ечеса ар гэрийнхэнд нь гүн эмгэнэл илэрхийлжээ.
З.МӨНХСУВД