HBO телевизийн “The Wire” цувралд бүтээсэн дүрээрээ олон нийтэд танигдсан АНУ-ын жүжигчин Майкл К.Уильяамс Нью-Йорк дахь гэртээ нас барсан байдалтай олджээ. Энэ талаар BBC агентлаг мэдээлсэн байна. Тэрээр 54 настай байсан юм.
Орон нутгийн хэвлэлд жүжигчнийг “Мансууруулах бодисын тун хэтрүүлж амиа алдсан” гэсэн мэдээллийг “Хуулийн байгууллагын эх сурвалжаас авсан” гэсэн тайлбартайгаар цацаж байгаа ч албан ёсны дүгнэлт гараагүй байна.
“Эмми” шагналд гурван удаа нэр дэвшиж байсан авьяаслаг жүжигчин тэрээр өмнө нь хар тамхины хамаарлаас гарахын тулд олон жил тэмцэж байгаагаа ил тод ярьдаг байсан гэнэ.
“The Wire” цувралд тэрээр хар тамхины мафийн гишүүн, ижил хүйстэн, гудамжны дээрэмчин үл бүтэх эрийн дүргийг чадварлаг бүтээж байсан юм. Мөн “Хуурай хууль”-ийн үеийг харуулсан “Газар доорх хаант улс” кинонд домогт гангсер Альберт Уайтын дүрд тоглож байжээ.