Азийн залуучуудын аварга шалгаруулах жүдо бөхийн тэмцээн Хонг Конгод зохион байгуулагдаж өндөрлөлөө.
Уг тэмцээнд манай баг тамирчид амжилттай оролцож хоёр алт, нэг мөнгө, гурван хүрэл медаль хүртсэн амжилтаар гуравдугаар байр эзэлжээ.
Toдруулбал,
-Эмэгтэйчүүдийн 52 кг-ын жинд Э.Гэрэлмаа,
-Эрэгтэйчүүдийн 55 кг-ын жинд барилдсан Б.Амартүвшин нар алтан медаль хүртэж, Азийн аварга болсон байна.
-Мөн эрэгтэйчүүдийн 66 кг-ын жинд барилдсан Ц.Цогтбаатар мөнгөн медаль хүртсэн.
Түүнчлэн Дэлхийн аварга Ө.Дүүрэнбаяр, эмэгтэйчүүдийн 44 кг-ын жинд Г.Наранцэцэг, -78 кг-ын жинд хүч үзсэн Д.Одханд нар хүрэл медалийн тавцанд зогсож Монголынхоо нэрийг дуурсгалаа.