ЖДҮХСангаас сайд, гишүүдийн хамаарал бүхий компаниуд их хэмжээний зээл авсан асуудал нийтэд ил болж, томоохон асуудал үүсгээд байгаа. Уг асуудалтай холбогдуулан ХХААХҮ-ийн сайд Б.Батзориг албан тушаалаасаа огцрох өргөдлөө өгсөн. Хэрэг явдалтай холбогдуулан уг асуудлыг Нийслэлийн прокурор, АТГ-ынхан шалгаж эхэлсэн юм.
Тэгвэл өнгөрсөн шөнө АТГ-аас ЖДҮХС-гийн зээлийг хариуцан ажилладаг ХХААХҮ-ийн яамны харьяа дөрвөн албан тушаалтныг баривчилсан гэх мэдээлэл байна. Эх сурвалжийн мэдээлж байгаар ХХААХҮ-ийн яамны Төрийн нарийн бичгийн даргын үүрэг гүйцэтгэгч Д.Энхбат, ЖДҮХС-гийн захирал С.Төгсбилэг нарын дөрвөн хүнийг баривчилсан байна. Харин яг одоо уг асуудалтай холбогдуулан ХХААХҮЯамны сайд Б.Батзориг АТГ-т байцаалт өгч байна.