УИХ-ын гишүүн О.Баасанхүү өөрийн цахим хуудсанаа “УЕП-ын газраас ЖДҮ-тэй холбоотой асуудлаар албан ёсны хариу ирүүлсэн байна. 3 хувийн хүүтэй зээлээ 30 хувийн банк бус байгууллага, ломбард зэрэг газраар дамжуулан иргэдэд өгч мөнгө угааж байсан 8 тохиолдлыг олж тогтоосон гэнэ” хэмээн жиргэжээ.
О.Баасанхүү гишүүний хувьд өнгөрсөн долдугаар сарын 24-нд Улсын ерөнхий прокурор, АТГ-ын дарга нарт хандаж албан тоот явуулсан билээ.
Тэгвэл О.Баасанхүү гишүүнд энэ сарын 1,2-нд дээрх газруудаас хариу ирүүлэхдээ “УИХ-ын найман гишүүнтэй хамаарал бүхий ААН ЖДҮД сангаас авсан зээлээ банк бус байгууллага, ломбард зэрэг газраар дамжуулан мөнгө хүүлсэн” гэсэн утга бүхий албан тоотыг илгээсэн байна.