Токиогийн олимпийн долоо дахь өдрийн байдлаар нийт таван тамирчин олимпоос хамгийн их буюу тус бүр гурван медаль хүртээд байна.
Тэдний нэг нь Хятадын усан спортын тамирчин, 23 настай Жан Юфей юм. Тэрээр энэ олимпоос
- эмэгтэйчүүдийн 200 метрийн эрвээхэй сэлэлтийн төрөлд алт,
- 4х200 метрийн чөлөөт сэлэлтийн төрөлд багаараа алт,
- 100 метрийн эрвээхэй сэлэлтээр мөнгөн медаль хүртсэн.
Хятадын баг 4х200 метрийн чөлөөт сэлэлтийн төрөлд дэлхийн дээд амжилтыг 7:40.33 хугацаагаар шинэчлэн тогтоосон бол Жан Юфей 200 метрийн эрвээхэй сэлэлтийн төрөлд олимпын дээд амжилтыг 2:03.86 хугацаагаар шинэчилсэн.
Гурван настайгаасаа сэлж, таван наснаасаа мэргэжлийн усан спортоор хичээллэсэн Жан Юфей 12 насандаа Жиансу мужийн наадмаас зургаан медаль авч байжээ.
Токиогийн олимпоос гурван медаль хүртээд буй бусад тамирчид:
Ариарн Титмус (Австрали). 20 настай
- Эмэгтэйчүүдийн 200 метрийн чөлөөт сэлэлт – Алтан медаль
- Эмэгтэйчүүдийн 400 метрийн чөлөөт сэлэлт – Алтан медаль
- Эмэгтэй багийн 4х200 метрийн чөлөөт сэлэлт – Хүрэл медаль
Кэти Ледеки (АНУ). 24 настай
- Эмэгтэйчүүдийн 1500 метрийн чөлөөт сэлэлт – Алтан медаль
- Эмэгтэй багийн 4х200 метрийн чөлөөт сэлэлт – Мөнгөн медаль
- Эмэгтэйчүүдийн 400 метрийн чөлөөт сэлэлт – Мөнгөн медаль
Эмма МакКеон (Австрали). 27 настай
- Эмэгтэй багийн 4х100 метрийн чөлөөт сэлэлт – Алтан медаль
- Эмэгтэйчүүдийн 100 метрийн эрвээхэй сэлэлт – Хүрэл медаль
- Эмэгтэй багийн 4х200 метрийн чөлөөт сэлэлт – Хүрэл медаль
Кайл Чалмерс (Австрали). 23 настай.
- Эрэгтэйчүүдийн 100 метрийн чөлөөт сэлэлт – Мөнгөн медаль
- Эрэгтэй багийн 4х100 метрийн чөлөөт сэлэлт – Хүрэл медаль
- Эрэгтэй багийн 4х200 метрийн чөлөөт сэлэлт – Хүрэл медаль