Суулт зарласан дөрвөн гишүүн мэдэгдэл хийлээ.
УИХ-ын гишүүн Ж.Батзандан: Үндсэн хуулийн өмнө хүлээсэн чиг үүргээ зөрчсөн, дуртай үедээ чуулганыг нээдэг, дургүй нь хүрэхээр чуулганыг хаяад зугтдаг, өөртэй нь холбоотой гэмт хэрэг 60 тэрбумын асуудалтай холбоотой сонсгол зохион байгуулна гэхээр 3-4 сараар дараад хэвтчихдэг. Өөртэй нь холбоотой болон Засгийн газартай холбоотой асуудал ороод ирэхээр бултаж алга болдог үзэгдэл олон удаа гарч байна. УИХ гэдэг төлөөллийн байгууллага Монгол Улсын 1.2 сая сонгогчийг төлөөлж гишүүд бид УИХ-д суудаг юм. УИХ-ын даргын хууль бус үйл ажиллагаа, Үндсэн хууль зөрчсөн үйл ажиллагаа хэрээс хэтэрч байгаа учраас сонгогчдынхоо эрхийн төлөө бид тэмцэж байна. Хууль зөрчдөг, сонгогчдыг доромжилдог, дуртай үедээ УИХ-ын чуулганыг нээдэг хаадаг, өөрийнх нь асуудал орж ирэхээр бултдаг, зугтдаг ийм УИХ-ын дарга УИХ-ыг удирдах ёс зүйн эрх байхгүй гэж бид үзэж байна. Одоо УИХ-ын даргатай уулзалт хийхээр та бид хүлээж байна удахгүй орж ирэх байх гэж найдаж байна. Асуудлыг нь ярихаар одоо гадагшаа эмчилгээнд явна ч гэнэ үү янз бүрийн шалтаг хэлээд бултах гээд байгаа. Үүнийг хүлээн зөвшөөрөхгүй ээ. Хамтдаа УИХ-ын даргатайгаа ил тод яръя. ажлаа саналаараа хүсэлтээрээ өөрөө өг. УИХ-ын дарга ажлаа хийж яадахгүй бол УИХ-ын дэд дарга орлоод гүйцэтгээд явах бүрэн боломжтой байгаа. Эрх зүйн гацаанд ороогүй. Зөвхөн Миеэгомбын Энхболд гэдэг хүн ард түмний өмнө хүлээсэн үүргээ биелүүлэх хэрэгтэй байна. Хууль зөрчсөн бол хариуцлагаа хүлээх шаардлагатай байна.
УИХ-ын дарга биднийг өрөөндөө дуудсан байна. Хэвлэлийнхэнтэй хамт