The Voice Of Mongolia” шоуны шилдэг оролцогч Ж.Ариунжаргалыг үзэгчид шилдэг хоёрт тунан үлдэнэ гэдэгт эргэлзэхгүй байсан. Харамсалтай нь тэрбээр шилдэг хоёрт багталгүй тэмцээнээс хасагдсан. Шилдэг хоёрт багтсан оролцогч шүүгчийнхээ зохиож өгсөн дууг дуулдаг юм байна.
Энэ талаар Ж.Ариунжаргал өөрийн цахим хуудаснаа “Намайг дэмжсэн бүх хүмүүстээ маш их баярлалаа. Сая тайзан дээр эмоциосоо болоод ерөөсөө үг хэлж чадсангүй. Дуулсныхаа дараа фэйсбүүк, инстаграм хуудсаа шалгасан, олон хүмүүс намайг магтаж амжилт хүссэн байна. Бүх хүмүүстээ маш их баярлалаа. Би энэ хүртэл явсандаа харамсахгүй ч нэг л зүйлд харамсаж байна. Тэр нь юу вэ гэхээр сүүлийн шатанд сонгогдсон хоёр оролцогч шүүгчийнхээ зохиож өгсөн дууг дуулах эрхтэй байсан. Миний дуулах байсан дуу Д.Болд ахын зохиож өгсөн үнэхээр гоёмсог, хэний ч санаанд оромгүй маш гоё дуу байсан. Би түүнийг дуулахыг үнэхээр их хүссэн. Гэхдээ мэдээж юм санаснаар болдоггүй, би та бүхэнд тэр дуугаа хүргээгүй дээ л хамгийн их харамсаж байна” хэмээн бичжээ. Тэрбээр тун удахгүй шинэхэн уран бүтээлээр үзэгчидтэйгээ уулзах аж. “Hero” студийн захирал Б.Баатар цахим хуудсаараа дамжуулан Ж.Ариунжаргалд клип хийж өгөхөө амлаад байгаа аж.