Маргааш баруун болон төвийн бүсийн зарим газраар хур бороо орно. Харин зүүн бүсийн аймгууд болон говийн нутгаар хур тунадас орохгүй. Улаанбаатарт 18-20 градус дулаантай.
Цаг агаарын урьдчилсан төлөвөөр ирэх долоо хоногт ихэнх нутгаар цаг агаар дулаан байх аж. 27, 30-нд нутгийн хойд хэсгээр, 28, 29-нд баруун болон төвийн нутгийн зарим газраар, зүүн зүгийн нутгийн хойд хэсгээр бороо орно. Салхи ихэнх хугацаанд зарим газраар түр зуур секундэд 16-18 метр хүрч ширүүсэх янзтай. Хангай, Хөвсгөлийн уулархаг нутгаар шөнөдөө 1-6 градус, өдөртөө 13-18 градус, говийн бүс нутгаар шөнөдөө 11-16 градус, өдөртөө 28-33 градус хүрч дулаарна. Харин бусад нутгаар шөнөдөө 6-11 градус, өдөртөө 20-25 градус дулаан байна. Долоо хоногийн сүүлээр нутгийн хойд хэсгээр сэрүүснэ.
Э.Эрдэнэ