Иракийн хойд хэсгийн Дхикар хотноо террористууд цуврал халдлага үйлдсэн талаар “Ройтерс” агентлаг мэдээллээ. Террористууд тус хотноо байрлах тансаг зэрэглэлийн зоогийн газарт халдлага үйлдсэн байна.
Эхний халдлага өчигдөр 14.30 цагийн орчимд болсон хоёр дахь халдлага хагас цагийн дараа болсон талаар Цагдаагийн газраас мэдээлэв.
Цуврал халдлагаар 60 хүн амиа алдаж, 100 орчим хүн бэртжээ. Уг зоогийн газраар ихэвчлэн шийтийн шашинтнууд үйлчлүүлдэг гэнэ.
Амиа золиослогч этгээд зоогийн газрын өмнөх авто зогсоолд өөрийгөө егүүтгэсэн аж.
Халдлагын хариуцлагыг Иракийн хэт даврагч “Халифатын вант улс” бүлэглэл хүлээсэн байна.