Иракын Ерөнхий сайд Хайдер Жавад Аль-Абади Дэд Ерөнхийлөгч, Шадар сайд нарынхаа албан тушаалыг хүчингуй болгосон шийдвэрийг өчигдөр баталлаа.
Иракын Дэд Ерөнхийлөгчийн албан тушаалыг Аль-Абадигийн улс төрийн өрсөлдөгч Нури Аль-Малики хашиж байсан юм.
Ерөнхий сайд энэхүү шийдвэрээ “Төсвийн зардлыг багасгах, авлига, хээл хахуультай тэмцэх зорилгоор ийм шийдвэр гаргалаа. Бид авлигын эсрэг тэмцлээ өргөжүүлж, Авлигатай тэмцэх тусгай хороо байгуулах болно” гэж тайлбарласан байна.
Ирак улс өнөөдрийг хүртэл гурван дэд ерөнхийлөгч, гурван Шадар сайдтай байсан. Иракын Ерөнхий сайд өнгөрсөн зургадугаар сард Зэвсэгт хүчний жанжин штабын дарга, генерал Бабакер Зебариг цомхтгосон юм.