-ЭЛСЭЛТИЙН ЕРӨНХИЙ ШАЛГАЛТАД ОРОЛЦОГЧДЫГ ИРЭХ САРЫН 25-НЫ ӨДӨР ХҮРТЭЛ БҮРТГЭНЭ-
Боловсрол, соёл, шинжлэх ухааны сайд тушаал гарган дээд боловсролын чанарын шинэчлэлийн хүрээндЭлсэлтийн ерөнхий шалгалтын босго оноог тогтоожээ. Ингэхдээ бүх сургуулиудын элсэлтийн оноо доод тал нь 400 байхаар тогтоож өгсөн байна.
Гэхдээ түүнээс дээш хэд байхыг их, дээд сургуулиуд өөрсдөө тогтоох юм. Яамны зүгээс ийнхүү босго оноог тогтоож өгснөөр дээд боловсролыг чанаржуулах ач холбогдолтой гэж үзжээ.
Тэгвэл зарим их дээд сургуулиад босго оноогоо зарласан байна. Тодруулбал, МУИС-ийн босго оноо 560, МУБИС 500-600, ШУТИС 440, ХААИС 500, ЭМШУИС 560, ХУИС 560, СУИС 400-420, СЭЗДС 620 гэх мэтчилэн босго оноогоо тогтоогоод байгаа аж.
Дашрамд дурдахад, энэ жил улсын хэмжээнд 36207 хүүхэд ерөнхий боловсролын дунд сургууль төгсөх юм.