Дэлхийн хамгийн том эдийн засагтай 20 орны тэргүүд, сангийн сайд нар, төв банкны захирлууд оролцдог дээд хэмжээний уулзалт буюу G20 өнөөдөр БНХАУ-ын Ханьжоу хотод эхэлж байна.
Дэлхий нийтийн эдийн засгийн тогтвортой байдал, улс төрийн бодлогыг хэлэлцдэг уг байгууллага 1999 онд байгуулагдсан юм.
G20-д 19 бие даасан улс болон Европын Холбоо багтдаг. Европын Холбоог Евро Комисс, Европын Төв Банк төлөөлдөг байна.
Гишүүн орнуудыг жагсаавал:
- Австрали
- АНУ
- Аргентин
- Бразил
- Герман
- Франц
- Индонез
- Итали
- Их Британи
- Канад
- Мексик
- ОХУ
- ӨАБНУ
- Өмнөд Солонгос
- Саудын Араб
- Турк
- Хятад
- Энэтхэг
- Япон
G20-ийн эдийн засаг дэлхийн нийт бүтээгдэхүүний 85 хувийг эзэлж, дэлхийн худалдааны 80 хувийг гүйцэтгэн, дэлхийн хүн амын гуравны хоёрыг эзэлдэг.
2015 онд G20 Туркийн Антальяд болж байсан бол 2016 онд Хятадын Ханьжоу хотод болж байна.
Уулзалтын эхний өдөр буюу 3-нд гол хуралдаанууд болж, 4-ний өдөр гишүүн орнуудын дээд түвшний уулзалт болно.