“Лантуун дохио” ТББ-аас санаачлан хэрэгжүүлж буй “Ид шидийн орон” хүүхэд хамгаалал, хөгжлийн төвийн гурав дахь салбар Дундговь аймагт өнөөдөр нээлтээ хийлээ.
Тус төв нь Дундговь аймагт байгуулагдснаар 4000 гаруй хүүхдийг зургаан чиглэлийн, 18 төрлийн сургалт, 10 төрлийн хөтөлбөр, клубт хамруулах боломж бүрдэнэ.
“Ид шидийн орон Дундговь” салбарын бүтээн байгуулалтад нийтдээ 953 сая төгрөгийн хандив, тусламж шаардлагатай байсан ба одоогоор барилгын ажил 95 хувьтай бөгөөд 87 сая төгрөг дутуу байгаа аж.