“Guys” хамтлагийнхан эргэн уран бүтээлдээ орж шинэхэн клипүүдээ үзэгчдэд дэлгэх болсон билээ.
Тэгвэл тэд ирэх хоёрдугаар сарын 14-нд буюу Гэгээн хайрын баяраар дурлалт хосууддаа зориулан “Хайрын бүжиг” шоу тоглолтоо хийхээр болжээ. Энэхүү тоглолт нь Чингисийн өргөө “Event Hall”-д болох юм байна.
Харин уг тоглолтын тасалбар нэгдүгээр сарын 30-наас эхлэн худалдаанд гарах гэнэ.
“Хайрын бүжиг” тоглолтын тухайд тус хамтлагийн тав дахь бие даасан тоглолт бөгөөд тэд тоглолтондоо дан ганц дуу дуулах биш, жүжигчнийхээ ур чадварыг харуулсан, бүжгийн үзүүлбэр гээд олон гайхалтай уран бүтээлээ толилуулах юм.